افواج پاکستان کے شعبہ تعلقات عامہ نے پاکستان آرمی کی انوینٹری میں موجود بعض ہتھیاروں کے نظام کی حالت کے پیش نظر اس کی جنگی قابلیت کے بارے میں میڈیا میں بحث کو بے بنیاد اور سیاق وسباق سے ہٹ کر قرار دے دیا ۔
آئی ایس پی آر نے سابق آرمی چیف کے بیان سے متعلق تبصروں پر اپنے جاری بیان میں کہا کہ بعض میڈیا میں پاکستان آرمی کی انوینٹری میں موجود بعض ہتھیاروں کے نظام کی حالت کے پیش نظر اس کی جنگی قابلیت کے بارے میں میڈیا میں بحث ہوئی جو کہ بے بنیاد اور سیاق وسباق سے ہٹ کر ہے۔ سابق آرمی چیف کے پاکستان کے لیے مستقبل کے خطرے کے بارے میں خیالات، میڈیا نے سیاق وسباق سے ہٹ کر پیش کیے جو سابق آرمی چیف نے ایک آف دی ریکارڈ انٹرایکٹو سیشن میں میڈیا کے ساتھ شیئر کیے تھے۔
افواج پاکستان اپنی عوام کو یقین دلاتی ہے کہ ہم نے ہمیشہ اپنی آپریشنل تیاریوں اور جنگی قابلیت پر فخر کیا اور کرتے رہیں گے۔ پاکستان کی مسلح افواج نے ہمیشہ مادر وطن کے دفاع کے لیے اپنے ہتھیاروں، سازوسامان اور جنگی وسائل سے بھرپور انسانی وسائل کو ہمیشہ تیار رکھا ہے اور رکھے گی۔ آئی ایس پی آر نے کہا کہ پاکستان کی مسلح افواج نے ہمیشہ مادر وطن کے دفاع کے لیے اپنے ہتھیاروں، سازوسامان اور جنگی وسائل سے بھرپور انسانی وسائل کو ہمیشہ تیار رکھا ہے اور رکھے گی۔