مسلم لیگ ن کی نائب صدر عدالتی فیصلے کے بعد سب سے پہلے وزیراعظم ہاوس پہنچیں۔ وزیراعظم شہبازشریف سےملاقات کی۔ وزیراعظم شہبازشریف نے مریم نواز کو عدالت سے سرخرو ہونے پر مبارکباد دی۔

مسلم لیگ ن کی نائب صدرمریم نواز وزیراعظم شہباز کو مٹھائی کھلاتے ہوئے@CMShehbaz @Marriyum_A @MaryamNSharif @pmln_org @PMLNPunjabPk pic.twitter.com/3rdsQAdFSl

— Dais Urdu (@daisurdu1) September 29, 2022

وزیراعظم محمد شہباز شریف نے مریم نواز شریف اور کیپٹن (ر) صفدر کی سزائیں کالعدم ہونے پر اظہار تشکرکرتے ہوئے کہا ہے کہ سیاسی انتقام کا ایک تاریک دور اپنے انجام کو پہنچا اور بے گناہ سرخرو ہوئے ہیں ۔عدالتی فیصلہ سے جھوٹ، بہتان اور کردار کشی کی عمارت زمیں بوس ہو گئی ، امید ہے کہ میرے قائد نوازشریف کے خلاف جج ارشد ملک مرحوم کی گواہی پر انصاف کے تقاضے پورے ہوں گے ۔

وزیراعظم نے کہا کہ وہ مریم نواز کے بری ہونے پر قائد نوازشریف کو مبارکباد پیش کرتے ہیں، امید ہے کہ میرے قائد کے خلاف جج ارشد ملک مرحوم کی گواہی پر انصاف کے تقاضے پورے ہوں گے ۔ انہوں نے کہا کہ اللہ تعالیٰ کا شکر ادا کرتے ہیں کہ بیٹی مریم اور بیٹے صفدر کو بالآخر انصاف ملا، اللہ تعالی کے حضور ہمارے سر شکر کے احساس سے جھکے ہوئے ہیں کہ اس نے ہمیں سرخرو کیا ہے۔

انہوں نے کہا کہ سیاسی انتقام کا ایک تاریک دور آج انجام کو پہنچا اور بے گناہ سرخرو ہوئے ہیں، مریم نواز شریف اور کیپٹن (ر) صفدر نے بہادری، صبر اور ثابت قدمی سے مشکل ترین حالات کا سامنا کیا، عدالتی فیصلے سے جھوٹ، بہتان اور کردار کشی کی تمام عمارت زمیں بوس ہو گئی ہے ۔

وزیراعظم نے کہا کہ ایون فیلڈ ریفرنس میں مریم نواز کی بریت احتساب کے نام نہاد نظام کے منہ پر زناٹے دار تھپڑ ہے جس کے ذریعے شریف خاندان کو نشانہ بنایا گیا ، عدالت سے بری ہونے پر بیٹی مریم اور صفدر کو مبارکباد پیش کرتا ہوں ۔مسلم لیگ ن کی نائب صدر مریم نواز سے وزیراعظم شہبازشریف کو مٹھائی بھی کھلائی ۔