مری میں برف باری سے ملکہ کوہسار کے حسن میں نکھار آ گیا ۔ مری میں برف باری کے نظارے دیکھنے والوں کے لئے ٹریفک پولیس مری کی جانب سے سیاحوں کے لیے ٹریفک ایڈوائزری جاری کی گئی ہے۔
ٹریفک پولیس مری کے مطابق مری آنے والے سیاح مکینکلی طور پر درست گاڑی کا انتخاب کریں۔ڈرائیور لائسنس نہ رکھنے والوں کو مری میں داخلے کی اجازت نہیں ہو گی ۔ صرف لائسنس ہولڈر ڈرائیور کو مری داخلہ کی اجازت دی جائے گی۔منفی ٹمپریچر ہونے پر گاڑی میں اینٹی کولنگ لیکیوڈ کا استعمال کیا جائے ۔ برفباری کے دوران گاڑی کے ٹائروں پر چین کا استعمال کریں۔ گاڑی میں ہیٹر کے استعمال کی صورت میں گاڑی کے شیشے مکمل طور پر بند نہ کریں۔
ایڈوائزی کے مطابق برفباری کے دوران گاڑی کی رفتار کم رکھیں،اورٹیکنگ سے گریز کیا جائے ۔ محفوظ اور پرسکون سفر کے لیے ٹریفک ایڈوائزری پر عمل کریں۔ ٹریفک پولیس کے افسران،جوان آپ کی سہولت کے لیے ہیں ان سے ساتھ تعاون کریں۔
"ٹریفک ایڈوائزری مری"
مری ٹریفک پولیس کیطرف سے مری آنے والے سیاح حضرات کیلئے ضروری سفری ہدایات جاری ۔سیاح حضرات سےگزارش ہے ان ہدایات پر عمل کر کے اپنے سفر کومحفوظ اور خوشگوار بنائیں"#snowfall #Murree #TrafficAdvisory #murreehills pic.twitter.com/wDHVVLeRuZ— City Traffic Police, Rawalpindi (@ctprwp) December 29, 2022
ٹریفک پولیس کے مطابق پہاڑی علاقے میں انتہائی محتاط ڈرائیونگ کریں ۔اُترائی پر چھوٹے گیئر کا استعمال کریں۔اوورسپیڈنگ اور موڑ پر اوور ٹیکنگ سے اجتناب کریں۔گاڑی کے ٹائروں میں ہوا کا دباو کم رکھیں۔ ون وے کی خلاف ورزی مت کریں۔ گاڑی کو ایسی جگہ پر پارک کریں جس سے ٹریفک کے بہاو میں رکاوٹ پیدا نہ ہو۔