قومی کرکٹ ٹیم نے مایہ ناز اوپننگ بلے باز عبداللہ شفیق کی شاندار بلے باز کی بدولت پاکستان نے سری لنکا کو پہلے ایک ٹیسٹ میں شکست دے کر سیریز میں ایک صفر کی برتری حاصل کر لی ہے۔ عبداللہ شفیق دوسری اننگز میں 160 رنز بنا کر ناقابل شکست رہے۔انہوں نے اپنی اننگز میں 408 گیندیں کھیلیں ۔ 7 چوکے اور ایک چھکا لگایا۔
Who is Abdullah Shafique, Pakistan's new batting star?
Read more: https://t.co/qZbdgM5r4B#SLvPAK | #BackTheBoysInGreen pic.twitter.com/RjM1hKxlbQ
— Pakistan Cricket (@TheRealPCB) July 20, 2022
پاکستان نے گال ٹیسٹ میں ناصرف اپنی ٹیسٹ کرکٹ کی تاریخ کا دوسرا بڑا ٹوٹل حاصل کیا بلکہ گال اسٹیڈیم میں سب سے بڑا ہدف مکمل کرنے کا ریکارڈ بھی اپنے نام کیا۔
پانچویں روز کے کھیل کا آغاز پاکستانی ٹیم نے 3 وکٹوں کے نقصان پر 222 رنز کے ساتھ کیا تھا جب کہ سری لنکا نے پاکستان کو جیت کےلیے 342 رنز کا ہدف دیا تھا۔۔ اس سے قبل آغا سلمان 12، محمد رضوان 40، کپتان بابراعظم 55، امام الحق 35 اور اظہرعلی 6 رنزبنا کر آؤٹ ہوگئے۔سری لنکا کے پراباتھ جے سوریا نے 4 اور رمیش مینڈس نے ایک وکٹ حاصل کی۔
سری لنکا کی ٹیم پہلی اننگز میں222 رنز بنا کر آؤٹ ہوئی تھی، میزبان ٹیم کی جانب سے دنیش چندی مل نے سب سے زیادہ 76 رنز اسکور کیے۔پاکستان کے محمد نواز نے تباہ کن بولنگ کا مظاہرہ کیا اور 5 وکٹیں حاصل کیں جب کہ یاسر شاہ نے 3، حسن علی اور نسیم شاہ نے ایک ایک کھلاڑی کو آؤٹ کیا۔
قومی فاسٹ بولر شاہین شاہ آفریدی 4، یاسر شاہ اور حسن علی نے 2، 2 جب کہ نسیم شاہ اور محمد نواز نے ایک ایک وکٹ حاصل کی۔
اس سے قبل پاکستانی ٹیم پہلی اننگز میں سری لنکا کے 222 رنز کے جواب میں مشکلات کا شکار دکھائی دی لیکن قومی کپتان بابر اعظم نے تاریخی اننگز کھیلی ۔، انہوں نے 11 چوکوں اور 2 چھکوں کی مدد سے 119 رنز کی شاندار اننگز کھیلی جب کہ بولر نسیم شاہ نے ان کا پورا ساتھ دیا۔پاکستان کے محمد رضوان 19، یاسر شاہ 18 اور حسن علی 17 رنز کے ساتھ نمایاں رہے۔ سری لنکا کے پربت جے سوریا نے 5، مہیش تھیکشنا اور رمیش مینڈس نے 2،2 اور کسن راجیتھا نے ایک وکٹ لی۔
عبداللہ شفیق کو شاندار بیٹنگ پر میچ کا بہترین کھلاڑی قرار دیا گیا۔ پاکستان کرکٹ ٹیم کے کپتان بابر اعظم نے کہا ہے کہ گال ٹیسٹ میں قومی ٹیم پلان کے مطابق کھیلی ۔عبداللہ شفیق پر فخر ہے جس نے مشکل وکٹ پر شاندار بیٹنگ کی ۔ دوسرا ٹیسٹ میچ جیت کر سیریز میں کلین سویپ کرنے کی کوشش کریں گے۔ انہوں نے کہا کہ پہلی اننگز میں بیٹرز لمبا سکور نہ کرسکے، بائولرز نے پلان کے مطابق باؤلنگ کی ۔ محمد نواز نے چھ سال بعد ٹیم میں شاندار واپسی کی، یاسر شاہ کا کم بیک بھی اچھا رہا۔ لڑکوں کو اعتماد دیا کہ ہم ہر طرح کی کنڈیشنز میں پرفارم کر سکتے ہیں ۔ اس اعتماد کا ہمیں فائدہ ہوا ۔ جیت سے ہمیشہ اعتماد میں اضافہ ہوتا ہے ۔ کوشش ہوگی کہ اپنی اس پرفارمنس کو برقرار کھیں۔ دوسرا ٹیسٹ میچ جیت کر سیریز میں کلین سویپ کرنے کی کوشش کریں گے۔
پاکستان کرکٹ بورڈ کے چیئرمین رمیز راجہ نے گال ٹیسٹ میں شاندار کامیابی پر قومی کرکٹ ٹیم کو مبارک باد دی۔
This #teamPakistan had to overcome a statistical Everest to prove the world wrong at Galle and they did !! Great run chase. Congrats @babarazam258 .And Pakistan may have found the next batting superstar in Abdullah Shafique @imabd28 . So calm and organised and classy.
— Ramiz Raja (@iramizraja) July 20, 2022
انہوں نے کہا کہ قومی کرکٹ ٹیم نے گال میں بڑا ہدف حاصل کر کے دنیا کو غلط ثابت کردیا ہے ۔ عبداللہ شفیق کی شکل میں پاکستان کو نیا بیٹنگ سپر سٹار مل گیا۔ پرسکون، منظم اور کلاس کے ساتھ کھیل جاری رکھیں۔
دوسری جانب قومی ٹیم کے ٹیسٹ اوپنر عبداللہ شفیق نے ابتدائی 6 ٹیسٹ میچوں میں زیادہ رنز بنانے کا جاوید میانداد کا ریکارڈ توڑ دیا۔ منگل کو سری لنکا کے خلاف گال ٹیسٹ کی دوسری اننگز میں عبداللہ شفیق نے ناقابل شکست سنچری سکور کرکے ریکارڈ بک میں اپنا نام درج کروایا۔ان سے قبل سابق پاکستانی کپتان لیجنڈری بلے باز جاوید میانداد نے اپنے ابتدائی 6 ٹیسٹ میچوں میں 652 رنز بنائے تھے، عبداللہ شفیق اپنے چھٹے ٹیسٹ میچ میں 672 رنز بنا چکے ہیں جبکہ ابھی ان کی اننگز جاری ہے۔ وہ ٹیسٹ کرکٹ میں اب تک 2 سنچریاں اور 4 نصف سنچریاں سکور کر چکے ہیں۔