ایک شخص کے لیے صحت مند طرز زندگی گزارنا ضروری ہے، اس میں اچھا کھانا کھانا، ورزش کرنا، وافر مقدار میں پانی پینا اور حفظان صحت کے اصولوں کا خیال رکھنا شامل ہے۔ صحت مند رہنے کا ایک آسان طریقہ خشک میوہ جات کھانا کو شامل کرنا ہے۔ خشک میوہ جات کھانے کے بہت سے فوائد ہیں۔
ہیموگلوبن کی سطح کو بہتر کرتا ہے
خشک میوہ جات کو غذائیت سے بھرپور اور ہیموگلوبن کی سطح کو بہتر بنانے کے لیے بہت اچھا سمجھا جاتا ہے۔ خشک میوہ جات وٹامن بی، آئرن، کاپر اور فاسفورس سے بھرے ہوتے ہیں جو ہمارے اعضاء کو صحیح طریقے سے کام کرنے میں مدد دیتے ہیں۔ گری دار میوے توانائی پیدا کرنے میں بھی مددگار ہیں۔
کولیسٹرول کی کم سطح کو برقرار رکھنے میں مددگار
خشک میوہ جات کولیسٹرول کی سطح کو کم رکھنے اور خون کی گردش کو بہتر بنانے میں بہت مددگار ثابت ہوتے ہیں، اس طرح صحت مند جسم حاصل کرنے میں مدد ملتی ہے۔
بڑھاپے کی رکاوٹ
خشک میوہ جات کھانے سے عمر بڑھنے کے عمل کو کم کرنے اور آپ کی جلد کو صحت مند اور چمکدار بنانے میں مدد ملے گی۔ اس لیے بڑھاپے میں تاخیر اور جوان رہنے کے لیے روزانہ کم از کم کچے بادام ضرور کھائیں۔
وزن کو کنٹرول کرنے میں مددگار
خشک میوہ جات بالخصوص کاجو وزن کم کرنے میں بہت فائدہ مند ہیں کیونکہ ان میں غذائی ریشہ موجود ہوتا ہے۔ لیکن، آپ کو کشمش اور کھجور سے محتاط رہنا چاہیے جو اس کے برعکس اثر کرتے ہیں۔
قبض کشا
خشک میوہ جات کا استعمال پیٹ کے مسائل جیسے قبض وغیرہ ختم کرکے آپ کے نظام انہضام کو صاف رکھنے میں مددگار ہیں۔ کھجور کو رات بھر پانی میں بھگو کر رکھیں اور پھر صبح نہار منہ کھا لیں، اس سے آپ کے نظام انہضام کو بہتر بنانے میں مدد ملے گی۔
بالچر کا خاتمہ
بادام کے تیل کو اپنے بالوں اور کھوپڑی پر لگانے سے بالوں کے جھڑنے کو کم کرنے میں مدد ملتی ہے اور آپ کے بال چمکدار اور صحت مند نظر آتے ہیں۔ بالوں کی نشوونما میں اضافہ اور گرتے ہوئے بالوں بچانے کے لئے ہفتے میں ایک بار بادام کے تیل سے اپنے بالوں اور کھوپڑی کی مالش کریں۔
جسمانی اعضاء کے لیے فائدہ مند
خشک میوہ جات آپ کے جسم کے اعضاء کے لیے بھی مثالی ہیں۔ جیسے آنکھوں، دانتوں اور ہڈیوں کے لئے۔ مثال کے طور پر کشمش ہڈیوں کو مضبوط بنانے، آنکھوں کو بیماریوں سے بچانے اور دانتوں کی صحت کو برقرار رکھنے میں مدد کرتی ہے۔