آرمی پبلک سکول اینڈ کالج سوات کی ساتویں کلاس کی طالبہ عائشہ ایاز نے تھائی لینڈ میں ہونے والی چھٹی ہیروز تائیکوانڈو انٹرنیشنل چیمپئن شپ میں ایک سلور اور دو برانز میڈل جیت کر ایک بار پھر ملک کا نام روشن کر دیا۔
عائشہ ایاز نے تمغے جیتنے کے علاوہ، ان مقابلوں میں مجموعی طور پر بہترین کھلاڑی کا ایوارڈ بھی حاصل کیا۔عائشہ ایاز سوات کی سب سے کم عمر بین الاقوامی تائیکوانڈو سٹار ہیں جنہوں نے آٹھ سال کی عمر سے لگاتار سات بین الاقوامی تمغے جیتے ہیں، عائشہ ایاز دبئی میں دو بار گولڈ میڈل بھی جیت چکی ہیں ۔عائشہ ایاز دوہزاربائیس میں تھائی لینڈ میں ایک طلائی اور ایک چاندی اور دوہزار تئیس ہیروزانٹرنیشنل چیمپئن شپ میں ایک چاندی اور دو کانسی کا تمغہ حاصل کر چکی ہیں ۔