آئی ایس پی آر کے مطابق نیشنل انسٹی ٹیوٹ آف پالیسی کے تحت علاقائی عوامل ، سیکیورٹی پر نسٹ میں سیمینار کا انعقاد کیا گیا۔ آئی ایس پی آر کے مطابق ڈپٹی چیئرمین نیشنل کمانڈ اتھارٹی و چیئرمین جوائنٹ چیفس آف اسٹاف کمیٹی جنرل ندیم رضا نے خطاب میں کہا کہ پاکستان کی نیوکلیئر صلاحیت مادر وطن کے دفاع کے خلاف سالمیت کی ضامن ہے۔ پاکستان کے نیوکلیئر پروگرام کو عوام اور تمام سیاسی جماعتوں کی حمایت حاصل ہے۔ سول اور ملٹری قیادت نیشنل کمانڈ اتھارٹی کے اس اسٹریٹیجک پروگرام کے ساتھ سیسہ پلائی دیوار کی طرح کھڑی ہے۔
Chairman Joint Chiefs of Staff CommitteeGeneral Nadeem Raza delivered keynote address during the seminar on "Regional Environment and Imperatives of Security" at the NUST. Students, academics and distinguished experts from different parts of the country participated. pic.twitter.com/m6cDvUzeai
— Dais Urdu (@daisurdu1) June 6, 2022
ڈپٹی چیئرمین نیشنل کمانڈ اتھارٹی جنرل ندیم رضا نے کہا کہ قومی سیکورٹی ناقابل تقسیم ہے ، پاکستان اپنے نیوکلیئر پروگرام پر کسی بھی قسم کا سمجھوتہ نہیں کرے گا۔ پاکستان ایک ذمہ دار اور پراعتماد نیوکلیئر ملک ہے۔ پاکستان کی پالیسی فل اسپیکٹرم ڈیٹرنس ہے جو کہ قابل اعتماد ایٹمی توازن کے دائرہ کار میں ہے۔
جنرل ندیم رضا کا کہنا تھا کہ ہماری قومی سیکورٹی اور سیفٹی میکنزم ہر قسم کے خطرے کے خلاف تمام قومی اور بین الاقوامی ضابطوں کے مطابق ہے۔ قومی اسٹریٹیجک پروگرام پر بے بنیاد اور غیر ضروری تبصرے سے ہر صورت گریز کیا جائے۔ نیوکلیئر ممالک میں رائج طریقہ عمل کے مطابق صرف نیشنل کمانڈ اتھارٹی ہی اسٹریٹیجک پروگرام پر ریسپانس اور تبصرہ دینے کی مجاز ہے۔