ایف آئی اے اینٹی کرپشن سرکل اسلام آباد نے کارروائی کرتے ہوئے خود کو سپریم کورٹ کے جج کا پرسنل سٹاف ظاہر کرنے والے ملزم کو گرفتار کر لیا۔ایف آئی اے کے مطابق ملزم نے خود کو ڈسٹرکٹ اینڈ سیشن جج ظاہر کرتے ہوئے شہری سے 21 لاکھ روپے وصول کئے۔ملزم نے مزکورہ رقم سرکاری نوکری کا جھانسہ دے کر وصول کی۔

ایف آئی اے کے مطابق ملزم نے پاکستان لٹریسی کونسل کے نام پر جعلی ادارہ بنایا ہوا تھا۔ اور اس  نے جعلی سکالرشپ بھی متعارف کروائی ہوئی تھی۔جس کے ذریعے وہ مختلف طالبات سے سکالرشپ کے نام پر بھی پیسے وصول کرتا تھا۔ ملزم کے قبضے سے پمفلٹس، ڈائریز، فائلیں ، متعدد مہریں ، فلیگ ،متعدد جعلی سروس بکس ، ڈومیسائل اور جعلی سکالرشپ فارم بھی برآمد کر لئے گئے ہیں۔