پی ایس ایل7کا پہلا مرحلہ کراچی میں کھیلا گیا۔ جس کے بعد دوسرا مرحلہ 10 فروری سے قذافی سٹیڈیم لاہور میں جاری ہے۔ لاہور کے قذافی اسٹیڈیم کے ہر میچ میں جو ش و خروش دیدنی ہے ۔ ہر میچ میں اسٹیڈیم تماشائیوں سے بھرا ہوا ہوتا ہے۔

پی ایس ایل میچز کے حوالے سے این سی او سی  نے  پنجاب انتظامیہ، پاکستان کرکٹ بورڈ (پی سی بی اور وزرات صحت کو مراسلہ بھیج دیا جس کے تحت شائقین کو مشروط طور پرمیچز کی اجازت دی گئی۔10 تا 15 فروری کے دوران میچز میں 50 فیصد شائقین کو اسٹیڈیم آنے کی اجازت تھی۔

16 تا 27 فروری میچزمیں 100 فیصد گنجائش کے ساتھ شائقین اسٹیڈیم  آنے کی اجازت ہے ۔  کرکٹ اسٹیڈیم میں میچز دیکھنے کیلئے مکمل ویکسی نیشن لازم ہے۔ این سی او سی نے 12 سال سے کم عمر بچے کو اسٹیڈیم میں میچ دیکھنے کی اجازت دی ۔ تو وہ بھی بھی پیچھےنہ رہے میچ دیکھنے کے لئے لاہور کے قذافی اسٹیڈیم کا رُخ کر رہے ہیں۔

نیشنل کمانڈ اینڈ آپریشن سینٹر(این سی او سی ) کے فیصلے کی روشنی میں قذافی اسٹیڈیم میں ہونے والے میچز کے دوران  کرکٹ گراؤنڈ میں ایس او پیز پر عملدرآمد کو یقینی بنایا جا رہا ہے۔

کورونا کی وبا کے باجود شہریوں کی بڑی تعداد اسٹیڈیم میں میچ دیکھ کر لطف اندوز ہو رہی ہے۔

پاکستان سپر لیگ کا فائنل مقابلہ 27 فروری کو لاہور میں کھیلا جائے گا۔