پاکستان پیپلزپارٹی کے سینیٹر مصطفی نواز کھوکھر نے سینیٹ کی رکنیت سے مستعفی ہو گئے۔
سینیٹر مصطفی کھوکھر نے چیئرمین سینیٹ سے ملاقات کی اور انہوں نے اپنا استعفی جمع کرایا۔ استفعے کے متن میں بتایا کہ وہ سینیٹر فاروق ایچ نائیک کی ہدایت پر اپنا استعفی پیش کر رہے ہیں۔
مصطفٰی نواز کھوکھر کا استعفی منظور کر لیا گیا ہے جس کا نوٹیفکیشن بھی جاری کر دیا گیا ہے ۔ سینیٹ سیکرٹریٹ نے مصطفٰی نواز کھوکھر کی سینیٹ سے نشست خالی قراردے دی ہے۔
مصطفی نواز کھوکھر 2018 میں پیپلزپارٹی کی نشست پر سندھ سے سینیٹر منتحب ہوئے تھے۔
اپنی ایک ٹویٹ میں مصطفی نواز کھوکھر نے لکھاکہ "جو لوگ میرے سیاسی مستقبل کے بارے میں قیاس آرائیاں کر رہے ہیں، میں واضح طور پر بتا دوں کہ میں کسی سیاسی جماعت میں شامل نہیں ہوں۔ میں اپنی آزادی کو برقرار رکھنے کی بھرپور کوشش کروں گا۔”
For those who are speculating about my political future, let me state clearly that I’m not joining any political party. I will try hard to maintain my independence. 2/2
— Mustafa Nawaz Khokhar (@mustafa_nawazk) November 10, 2022
واضح رہے کہ گزشتہ چند ماہ سے مصطفی نواز کھوکھر پارٹی پالیسی سے ہٹ کر اور پی ٹی آئی کے حق میں بیان دیتے رہے ہیں۔
کچھ ہفتے قبل انہوں نے اپنے ٹوئٹر ہینڈل بھی تبدیل کرتے ہوئے اس میں سے پارٹی کا نام نکال دیا تھا جس کی وجہ سے انہوں نے ویری فائیڈ کا سٹیٹس بھی کھو دیا تھا۔حالیہ دنوں میں انہوں نے شہباز گل اور اعظم سواتی پر تشدد کی مذمت بھی کی تھی اور شیریں مزاری کی گرفتاری کی بھی مذمت کی تھی۔