سعودی عرب نے 2029 کے لیے ایشین ونٹر گیمز کی نیلام میں حصہ لے کر اس کی میزبانی کے حقوق حاصل کر لیے ہیں۔ یہ گیمز سعودی عرب کے جدید ترین نیوم سٹی میں آج سے سات سال بعد منعقد ہوں گی۔
سعودی وزیر کھیل شہزادہ عبدالعزیز بن ترکی الفیصل نے منگل کے روز باضابطہ اعلان کیا ہے۔ شہزادہ عبدالعزیز بن ترکی الفیصل سعودی اولمپک کمیٹی صدر کے علاوہ اہم فورمز کے بھی ذمہ دار ہیں۔ وہ ان دنوں کمبوڈیا میں سعودی وفد کی قیادت کر رہے ہیں جہاں اولپک کونسل آف ایشیا کی میٹنگ ہو رہی ہے۔
فخور بمصادقة الجمعية العمومية الـ41 للمجلس الأولمبي الآسيوي على تسمية الرياض مركزاً إقليمياً جديداً للمجلس الأولمبي الآسيوي.
بدعم قيادتنا..
والرؤية الملهمة لسمو سيدي ولي العهد
طموحنا لا حدود له 🇸🇦 pic.twitter.com/2huSx9vKXc— عبدالعزيز بن تركي الفيصل (@AbdulazizTF) October 4, 2022
شہزادہ عبد العزیز بن ترکی الفیصل نے ایک ٹوئٹ میں لکھا کہ سعودی قیادت اور ولی عہد شہزادہ کی مکمل سرپرستی میں ہم یہ فخر کے ساتھ اعلان کرتے ہیں کہ ہم نے ایشین ونٹر گیمز کی نیلامی جیت لی ہے۔ ‘
‘اس طرح سعودی عرب مگربی ایشیا کا پہلا ملک ہو گا جس میں یہ گیمز 2029 میں منعقد ہوں گی۔ ‘ یہ اعلان نیوم سٹی کے چیف ایگزیکتو آفیسر نظمی النصر کی موجودگی میں کیا گیا ہے۔
سعودی عرب نے نیوم کے پہاڑی سیاحتی علاقے ٹروجینا میں گیمز کی میزبانی کی خواہش کا اظہار کیا تھا۔نیوم سٹی کا حصہ تروجینا ساحلی علاقے عقبہ سے پچاس کلومیٹر کے فاصلے پر ہے اور اس کی اونچائی 1500 میٹر سے 2600 میٹر تک ہے۔ سعودی عرب میں سیاحتی اعتبار سے بڑی پیش رفت کا ذریعہ بنے گا ۔