برطانوی رکن پارلیمنٹ کلاڈیا ویب نے حالیہ بارش اور سیلاب کی تباہ کاریوں کے باعث دنیا سے پاکستان کے قرضے معاف کرنے کا مطالبہ کر دیا ہے ۔ کلاڈیا ویب نے کہا کہ پاکستان میں مہنگائی بہت بڑھ گئی ہے ۔ دنیا پاکستان کے قرضے معاف کرے۔
Inflation in Pakistan is at an all time high at 27%!
Pakistan’s international debt should be immediately cancelled – they should instead be given reparations for the climate crisis caused.
— Claudia Webbe MP (@ClaudiaWebbe) September 1, 2022
کلاڈیا ویب نے سوشل میڈیا پر جاری بیان میں کہا کہ پاکستان گرین ہاؤس عالمی اخراج کے صرف ایک فیصدحصے کا ذمہ دارہے مگر ماحولیاتی تبدیلیوں میں پاکستان سرفہرست 10 ممالک میں شامل ہے۔ہماری لالچ کی قیمت چکانے پر مجبور ہے۔
A tragedy is unfolding.
Pakistan is responsible for 1% of global emissions. It’s completely wrong that it has to bear the brunt of climate change.
The super rich caused the climate crisis. The super rich should bear the cost.
Pakistan must get international help immediately.
— Claudia Webbe MP (@ClaudiaWebbe) August 30, 2022
دو روز قبل اپنی ٹویٹ میں اس اہم مسئلے کو اُٹھاتے ہوئے کلاڈیا ویب نے ٹوئٹ کیا تھا کہ گرین ہاؤس گیسوں کے اخراج میں عالمی سطح پر پاکستان کا حصہ ایک فیصد سے بھی کم ہے لیکن پاکستان موسمیاتی تبدیلی سے متاثر ہونے والے سرفہرست 10 ممالک میں شامل ہے ۔ دراصل پاکستان بڑے ممالک کی لالچ کی قیمت چکا رہا ہے۔کلاڈیا ویب نے کہا کہ پاکستان کے پاس قطب شمالی کے بعد سب سے زیادہ گلیشیئرز ہیں جن کی تعداد 7 ہزار 253 ہیں اور یہ سب تیزی سے پگھل رہے ہیں۔
برطانوی رکن پارلیمنٹ کی اس تجویز پر ہزاروں ٹوئٹر صارفین نے لائیک اور ری ٹوئٹ کیا ہے۔ اب طاقتور ملکوں کی ذمہ داری بنتی ہے وہ اس توجہ دے اور پاکستان کے ذمہ قرضوں کو واپس لینے کی بجائے انہیں معاف کرے۔
واضح رہے کہ پاکستان کے بیرونی قرضے معاف کرنے کا مطالبہ کرنے والی خاتون کلاڈیا ویب برطانوی پارلمینٹ کی آزاد رکن ہیں۔ 2019 میں لیبر پارٹی کے ٹکٹ پر لیسٹر ایسٹ سے رکن اسمبلی بنیں۔ وہ پہلی خاتون ہیں جو کہ اس علاقے سے منتخب ہوکر پارلیمنٹ تک پہنچیں۔ ۔ ان کے والدین افریقی نسل سے تعلق رکھتے ہیں، اور کیریبین کے ایک جزیرے سے برطانیہ ہجرت کر کے آباد ہوئے۔ کلاڈیا8 مارچ 1965 کو برطانیہ کے شہر لیسسٹر میں پیدا ہوئیں، اور یہیں پرورش پائی ہے۔