آج سے 103 برس قبل غیور افغان نے برطانوی انگریز سامراج سے آزادی حاصل کی تھی آج پوری افغان قوم یوم آزادی شایان شان طریقے سے منایا۔ افغان عبوری حکومت کی جانب سے غازیوں اور شہداء کو خراج تحسین پیش کیا گیا۔ افغانستان نے19 اگست 1919 میں شاہ امان اللہ خان کے دور میں برطانوی قبضے سے آزادی حاصل کی تھی۔ افغانستان کی فوج کے 28 ویں اسد بریگیڈ نے وزارت دفاع میں ملٹری پریڈ کی اور یادگار پر پھولوں کی چادر بھی چڑھائی ۔

افغان عبوری وزیردفاع محمد یعقوب مجاہد نے وزارت دفاع دفتر میں یاد گارِ آزادی پر پھول چڑھائے۔ خطاب میں کہا کہ افغان عوام نے اپنے خون کا نذرانہ دے کر آزادی کا مشعل روشن رکھا ہے اور جس نے بھی افغانستان پر قبضے کی کوشش کی ہے اسے شکست کا سامنا کرنا پڑا ہے۔انہوں نے کہا کہ افغان عوام آج اپنی حقیقی آزادی کی خوشیاں منا رہے ہیں، ملک نہ صرف معاشی طور پر آزاد ہے بلکہ بیرونی ذرائع پر انحصار کی غلامی سے بھی آزاد ہے، 20 سال کی غیر ملکی افواج کا قبضہ ختم ہو چکا، آج افغانستان ہر سطح اور ہر شعبے میں آزاد ہے ۔ اسلامی تعلیمات پر عمل کر کے ہی ہرمیدان میں کامیابی حاصل کر سکتے ہیں۔
کابل کے علاوہ بھی افغانستان یومِ آزادی کی مناسبت سے مختلف تقریبات منعقد کی گئیں۔قندھار میں ولیسی جرگہ سے افغانستان کےامیر ہبةاللہ اخند نے خطاب کرتے ہوئے کہا کہ جن لوگوں نےافغانستان کےاثاثے فروخت کئے وہ ہمارے ہی بھائی تھے۔دنیا میں پھیلے تمام افغان پروفیشنلز کو ملک میں واپس آنے کی دعوت دیتا ہوں۔ آپ لوگ واپس آ کر یہاں کام کریں اور ملک کی خدمت کریں، اسی طرح ہم ترقی کریں گے۔
ہبت اللہ اخونزادہ کا کہنا تھا کہ اگر ملک میں کوئی بھی بچہ تعلیم سے محروم رہتا ہے وہ میری ذمہ داری ہے ۔ وزرا کو ہدایت کی گئی ہے سڑکوں پر بھیک مانگنے والوں کو پکڑیں اور انہیں پناہ گاہوں میں رکھیں ۔ ان کی ضروریات پوری کرنا حکومت کی ذمہ داری ہے ۔ یہ ہمارے بچے ہیں۔
وزیرخارجہ امیر متقی نے قندھار میں قبائلی عمائدین میں خطاب میں کہا کہ خطے کے ممالک کے ساتھ امارات اسلامیہ کے تعلقات خوشگوار ہیں۔ ہم نے معیشت پر منبی سیاسی پالیسیاں اپنائیں۔ کئی ممالک میں ہمارے سفارتخانے کام کر رہے ہیں، عالمی برادری کو بارہا یقین دہانی کروائی افغانستان کسی دوسرے ملک کے خلاف ہرگز استعمال نہیں ہو گا۔ جن کے ساتھ 20 سال جنگ لڑی ہے ان کے ساتھ تعلقات بننے میں وقت لگے گا۔
افغان طالبان حکومت کو اقتدار میں آئے ایک سال مکمل ہو چکا ہے۔ گذشتہ سال 15 اگست کو طالبان نے افغان دارالحکومت کابل کا کنٹرول سنبھالا تھا۔ افغان رہنماؤں کے مطابق تین صدیوں میں دنیا کی تین متکبر سلطنتوں کو افغانستان نے شکست دی اور اپنی سرزمین سے نکال دیا۔ طالبان کے اقتدار میں آنے کے بعدملک امارات اسلامیہ رکھا گیا تھا۔

کابل میں پاکستان کے سفیر منصور احمد خان نے افغان عوام کو یوم آزادی پر مبارک باد دی۔ انہوں نے کہا کہ  وزیراعظم پاکستان شہباز شریف اور وزیر خارجہ بلاول بھٹو زرداری نے افغانستان کی ترقی ،خوشحالی کے ساتھ عوام اور افغان قیادت کو مبارک باد کا پیغام دیا ہے۔

Pakistan congratulates Afghanistan & it’s people at Afghan National Day today. At this occasion, Prime Minister & Foreign Minister of Pakistan have sent congratulatory messages to Afghan leadership with wishes for progress & prosperity of Afghanistan @ForeignOfficePk @PakinAfg

— Mansoor Ahmad Khan (@ambmansoorkhan) August 19, 2022

کینیڈا کی وزارت خارجہ کے پارلیمانی سیکرٹری ڈان ویلی ویسٹ نے بھی افغان عوام کوآزادی کی مبارکباد دیتے ہوئے ان کے لئے نیک تمناؤں کا اظہار کیا ہے۔

Today is Afghan Independence Day. This year we join the people of Afghanistan and Afghan-Canadians in #DVW and across Canada in observing this day with a continued fierce determination to work for a better Afghanistan where all people can thrive. pic.twitter.com/vGiV1RZtzq

— Rob Oliphant (@Rob_Oliphant) August 19, 2022