پاکستان سپر لیگ (پی ایس ایل) سیزن 7 کے 30 ویں اور پہلے مرحلے کے آخری میچ میں دلچسپ مقابلہ ہوا ۔ پشاور زلمی نے لاہور قلندرز کو سپر اوور میں شکست دے دی۔

قذافی اسٹیڈیم میں کھیلا جانے والا میچ پشاور زلمی اور لاہور قلندرز کے درمیان میچ ٹائی ہو گیا۔پشاور زلمی کے کپتان وہاب ریاض سپر آور کے لئے آئے ۔ انہوں نے شاندار بولنگ کرتے ہوئے لاہور قلندرز کے فخر زمان اور ہیری بروک کو صرف 5 رنز تک محدود رکھا ۔ پشاور زلمی کو جیت کے لیے 6 رنز کا ہدف ملا۔ جو پشاور زلمی کے شعیب ملک نے 2 چوکے لگا کر پورا کر دیا۔ اور جیت پشاور زلمی کے پلڑے میں ڈال دی۔

اس سے پہلے لاہور قلندرز کے کپتان شاہین شاہ آفریدی نے شاندار بیٹنگ کرتے ہوئے میچ برابر کیا تھا ۔ آخری گیند پر سات رنز درکار تھے، شاہین نے چھکا لگا کر میچ ٹائی کر دیا۔ انہوں نے آخری اوور میں 3 چھکے اور ایک چوکا لگایا ۔ کپتان نے آخری اوور میں محمد عمر کی پٹائی ہوئی۔

پی ایس ایل 7 کے میچ میں پشاور زلمی کے کپتان وہاب ریاض نے ٹاس جیت کر پہلے بیٹنگ  کا فیصلہ کیا ۔ پوری ٹیم مقررہ 20 اوورز میں 7 وکٹوں کے نقصان پر 158 رنز بنا سکی ۔ حریف ٹیم لاہور قلندر کو 159 رنز کا ہدف ملا۔

شعیب ملک 32، حیدر علی 25 ، حضرت اللہ زازئی 20 ، کامران اکمل 18 ،عماد بٹ 9 رنز بنا کر آؤٹ ہوئے۔ خالدعثمان 19 ، حسین طلعت 17 رنز کے ساتھ ناٹ آؤٹ ہوئے ۔

فواد احمد 2 ، شاہین شاہ آفریدی ، حارث رؤف ، محمد حفیظ ، ڈیوڈ وائس نے ایک ایک وکٹ حاصل کی۔

پشاور زلمی کی طرح لاہور قلندرز کی اننگز کی شروعات بھی اچھی نہ تھی۔ فخر زمان صفر پر آؤٹ ہوئے، محمد حفیظ نصف سنچری سے ایک رن کی دوری پر وہاب ریاض کا شکار بنے۔ سہیل اختر نے 19 رنز بنائے جبکہ کپتان شاہین شاہ آفریدی نے دھواں دھار بیٹنگ کی اور ٹیم کو شکست سے بچانے کے لیے میچ برابر کیا، انہوں نے صرف 20 بالوں پر 39 رنز کی ناقابل شکست اننگز کھیلی۔

لاہور قلندرز نے 8 وکٹوں کے نقصان نے مقررہ 20 اوورز میں 158 رنز بنائے اور اس طرح میچ ٹائی ہوگیا ۔ اور پھر سپر اوور میں فیصلہ پشاور زلمی کے حق میں رہا۔ سپر اوور میں پشاور زلمی نے میچ جیت لیا۔

پشاور زلمی کے وہاب ریاض کو میچ کا بہترین کھلاڑی قرار دیا گیا۔

واضح رہے  کہ پشاور زلمی، لاہور قلندرز، اسلام آباد یونائیٹڈ اور ملتان سلطانز کی ٹیم پلے آف مرحلے میں جگہ بنا چکی ہے۔