قذافی اسٹیڈیم لاہور میں پاکستان سپر لیگ (پی ایس ایل) کا 21 واں میچ کراچی کنگز اور اسلام آباد یونائیٹڈ کے درمیان کھیلا گیا ۔ کراچی کنگز کے کپتان بابراعظم نے ٹاس جیت کر اسلام آباد یونائیٹڈ کو بیٹنگ کی دعوت دی۔

اسلام آباد یونائیٹڈ کی ٹیم نے مقررہ اووز میں 7 وکٹوں کے نقصان پر 191رنز بنائے۔

کپتان شاداب خان 34 ، فہم اشرف 29، آصف علی 28، الیکس ہیلز 25رنز بنا کر نمایاں بلے باز رہے ۔ اعظم خان 22 ، لیم ڈیواسن 15، رحمان اللہ گرباز12 ،محمد اخلاق 2رنز بنا کر پویلین لوٹ گئے۔

کراچی کنگز کی جانب سے عماد وسیم نے 2 ، میرحمزہ ، کرس جارڈن ، عمید آصف اور جارڈن تھامپس نے ایک ایک کھلاڑی کو آؤٹ کیا۔

کراچی کنگز 191 رنز کے ہدف کے تعاقب میں 8 وکٹوں کے نقصان پر 190 رنزبنا سکی۔ ایک رنز کی شکست کے ساتھ کراچی کنگز کو پی ایس ایل 7 میں مسلسل ساتویں شکست ہے۔

کراچی کنگز کی جانب سے عماد وسیم 55، قاسم اکرم 50، شرجیل خان 44 رنز بنا کر نمایاں بلے باز رہے ۔ صاحبزادہ فرحان 17، کپتان بابراعظم 13، محمد نبی 3 جبکہ جوئے کلارک صفر پر پویلین لوٹ گئے۔