پاکستان سپر لیگ (پی ایس ایل) کے اٹھارہواں میچ کوئٹہ گلیڈی ایٹرز اور اسلام آباد یونائیٹڈ کے درمیان کھیلا گیا۔ کوئٹہ گلیڈی ایٹرز نے ٹاس جیت کر پہلے اسلام آباد یونائیٹڈ کو بیٹنگ کی دعوت دی۔

اسلام آباد یونائیٹڈ کی ٹیم نے پہلے بیٹنگ کرتے ہوئے مقررہ اوورز میں 8 وکٹوں کےنقصان پر 199رنز بنائے۔ ایلکس ہیلز نے 62رنز کی جارحانہ اننگز کھیلی۔ فہیم اشرف 55رنز بنا کر آؤٹ ہوئے۔

محمد گلذیب 19 ، لیم ڈیواٹس 13 ، کپتان شادات خان 12،آصف علی 6، محمد اخلاق محمد اعظم صفر پر ہی پویلین لوٹ گئے ۔

کوئٹہ گلیڈی ایٹرز کی جانب سے شاہدخان آفریدی ، جیمز فالنکر نے 2،2کھلاڑیوں کو آؤٹ کیا ۔ نسیم شاہ ، نور محمد نے ایک ایک وکٹ حاصل کی۔

اسلام آباد یونائیٹڈ کے باؤلرز199 رنز کا دفاع نہ کر پائے ۔ کوئٹہ گلیڈی ایٹرز نے 200 رنز کا ہدف 19.4 اوورز میں 5 وکٹوں پر حاصل کر لیا۔

جیسن رائے 54 رنز بنا کر نمایاں بلے باز رہے۔ کپتان سرفراز احمد 50 رنز بنا کر ناقابل شکست رہے۔ احسن علی 30، جیمز وینس 29 ، عمراکمل 23 ، افتخار احمد 4 رنز بنا کر آؤٹ ہوئے۔

اسلام آباد یونائیٹڈ کی جانب سے شاداب خان نے 3 کھلاڑیوں کو آؤٹ کیا۔ لیم ڈیواٹسن اور محمد وسیم نے ایک ایک کھلاڑی کو آؤٹ کیا۔

سرفراز کو شاندار بیٹنگ پر مین آف دی میچ قرار دیا گیا۔

اسلام آباد یونائیٹڈ کے کپتان شاداب خان پاکستان سپر لیگ میں سب سے زیادہ وکٹیں لینے والے اسپنر بن گئے ہیں۔ کوئٹہ کے خلاف میچ میں جیمز  وینس کو آوٹ کرکے شاداب کی پی ایس ایل وکٹوں کی تعداد 62 ہوگئی۔

کوئٹہ گلیڈی ایٹرز کے محمد نواز نے 66 میچز میں 61 وکٹیں لیں، شاداب نے 58 میچز میں انہیں پوچھے چھوڑا۔

واضح رہے  کہ نواز انجری کی وجہ سے پی ایس ایل سے باہر ہوگئےہیں اور آج کے میچ میں کوئٹہ کو دستیاب نہیں تھے۔