میاں چنوں واقعہ،وزیراعظم کا نوٹس،رپورٹ طلب

وزیراعظم عمران خان نے میاں چنوں واقعے پر نوٹس لے لیا
Spread the love

وزیراعظم عمران خان نے میاں چنوں میں پیش آنے والے واقعے کا نوٹس لیتے ہوئے آئی جی پنجاب پولیس سے رپورٹ طلب کر لی۔

وزیراعظم عمران خان نے سوشل میڈیا پر جاری بیان میں کہا کہ کسی فرد یا گروہ کی جانب سے قانون کو ہاتھ میں لینے کی کوشش قطعاً برداشت نہیں کی جائے گی۔

عمران خان کا کہنا تھا کہ ہجوم کے تشدد کو نہایت سختی سےکچلیں گے ۔ آئی جی پنجاب سے میاں چنوں واقعے کے ذمہ داروں کی تفصیلات طلب کر لی ہیں۔

وزیراعظم کا کہنا تھا کہ فرائض کی انجام دہی میں ناکام رہنے والے پولیس اہلکاروں کے خلاف کارروائی کی تفصیلات بھی طلب کی ہیں۔

تلمبہ واقعے کی رپورٹ وزیراعلیٰ پنجاب کو پیش

میاں چنوں کے علاقے تلمبہ میں پیش آنے والے واقعے کی ابتدائی رپورٹ وزیراعلیٰ پنجاب عثمان بزدار کو پیش کر دی گئی ، انسپکٹر جنرل پولیس پنجاب راو سردار علی خان  نے وزیر اعلی عثمان بزدار کو  ابتدائی رپورٹ  پیش کی ۔

رپورٹ کے مطابق واقعہ میں 33 افراد کو نامزد ، 300 نامعلوم افراد کے خلاف مقدمہ درج کیا گیا۔ مقدمے میں سنگین جرائم اور دہشت گردی کی دفعات شامل کی گئی ہیں ۔

وزیراعلیٰ کو پیش رپورٹ کے مطابق پولیس نے مختلف مقامات پر120 سے زائد چھاپے مارے  ، 62 مشتبہ افراد کو زیر حراست لیا۔

زیر حراست مشبہ افراد میں قانون ہاتھ میں لینے والے مرکزی ملزمان بھی شامل ہیں ، دستیاب فوٹیجز کے فرانزک انیلیسز کی مدد سے ملزمان کی شناخت اور ان کے کردار کا تعین کیا جائے گا۔

وزیراعلی پنجاب اور آئی جی پنجاب کی ہدایات کے مطابق رات بھر پولیس کاخفیہ آپریشن، سینیئر پولیس افسران بھی فیلڈ میں موجود رہے۔

وزیر اعلی عثمان بزدار نے انصاف کے تمام تقاضے پورے کرنے کی ہدایت کر دی۔ عثمان بزدار کا کہنا تھا کہ کسی کو قانون ہاتھ میں لینے کی اجازت نہیں دی جا سکتی ۔

واقعہ کے ذمہ داروں کو گرفتارکرلیا گیا ہے،علامہ طاہر اشرفی

وزیراعظم عمران خان نے نمائندہ خصوصی علامہ طاہر اشرفی میاں چنوں کے علاقے تلمبہ پہنچے ، میڈیا سے گفتگو میں انہوں نے کہا کہ پولیس کی تعداد کم اور مشتعل افراد کی تعداد زیادہ تھی، انتظامیہ لمحہ بہ لمحہ صورت حال سے آگاہ کر رہی ہے ، واقعہ میں ملوث ملزمان سمیت62افراد کو گرفتارکرلیا گیا ہے ۔

انہوں نے کہا کہ مشتعل ہجوم نے جو کیا وہ ناقابل معافی ہے ۔ اگر کوئی جرم کرتا ہے تو پولیس اور عدالتیں موجود ہیں ۔جن لوگوں نے یہ کام کیا ہے انہیں معافی نہیں ملے گی۔

انتظامیہ لمحہ بہ لمحہ صورت حال سےآگاہ کررہی ہے۔

واضح رہے کہ توہین رسالت کے الزام میں میاں چنوں کےعلاقے میں مشتعل ہجوم نے تشدد کر کے ایک نوجوان کو ہلاک کر دیا ہے۔

One thought on “میاں چنوں واقعہ،وزیراعظم کا نوٹس،رپورٹ طلب

  1. […] پنجاب پولیس کے مطابق میاں چنوں کے قصبہ تلمبہ میں مشتعل ہجوم کے ہاتھوں ایک شخص کی ہلاکت کا واقعہ پیش […]

جواب دیں

آپ کا ای میل ایڈریس شائع نہیں کیا جائے گا۔