آن لائن گیم نے امریکی خاتون کو زیادتی سے بچا لیا۔ 80 سالہ خاتون 17 گھنٹے یرغمال رہی، ملزم بے لباس ہو کر خاتون کے گھر میں جا گھسا
80 سالہ ڈینس ہولٹ نے ہر روز ورڈ گیم ورڈل کھیلنے کی عادت بنائی اور وہ اپنی بیٹی کو روزانہ کے لفظ کے بارے میں متن بھیجتی رہیں۔ مبینہ طور پر ہولٹ ہفتے کے آخر میں اپنے شکاگو کے علاقے میں واقع گھر میں سو رہی تھی جب ایک برہنہ آدمی خون آلود قینچی کا ایک جوڑا پکڑے سامنے کی کھڑکی سے اندر داخل ہوا اور ہولٹ کے بستر پر چڑھ دوڑا۔
ہولٹ نے مقامی میڈیا کو بتایا "میں صدمے میں آ گئی، میں زندہ رہنے کی کوشش کر رہی تھی اور بس۔” زیادتی کی کوشش کرنے والے نے ہولٹ کو یقین دلایا کہ وہ نہ بدتمیزی کرے گا نہ کوئی نقصان پہنچائے گا۔
اس آدمی نے اپنا ارادہ بدلتے ہوئے ہولٹ کو حکم دیا کہ وہ اس کے ساتھ نہائے۔ ٹب سے باہر نکلنے کے بعد، اس نے ہولٹ کو تہہ خانے کے ایک چھوٹے سے باتھ روم میں بند کر دیا۔
امریکی ریاست سیاٹل میں رہائش پذیر ہولٹ کی بیٹی میرڈیتھ ہولٹ کالڈویل نے مقامی میڈیا کو بتایا کہ "اگلی صبح میں نے مشاہدہ کیا کہ ماں میرے ٹیکسٹ میسجز نہیں پڑھ رہیں اور انہوں نے حسب معمول آن لائن گیم کا اپنا سکور بھی شیئر نہیں کیا۔ تب میں نے پولیس کو مطلع کیا، پولیس نے SWAT ٹیم کے ساتھ جائے وقوعہ پر پہنچی۔ پولیس نے بالآخر دروازے کے ایک سوراخ سے سٹن گن کی گولی استعمال کرکے مشتبہ شخص کو قابو کیا۔
پولیس نے ملزم کی شناخت 32 سالہ جیمز ایچ ڈیوس III کے نام سے کی ہے۔ لنکن ووڈ پولیس کے مطابق تحقیقات سے معلوم ہوا ہے کہ زیر حراست شخص نے اتوار کی صبح سویرے لباس اتار کر متاثرہ خاتون کے گھر میں گھسا اور زیادتی کی کوشش کی۔ پولیس نے ملزم کو ذہنی مریض قرار دیا ہے۔ ڈیوس کو پیر کی صبح 3 بجے سے پہلے گرفتار کیا گیا تھا۔
ملزم پر تین سنگین الزامات عائد کیے گئے ہیں: ایک خطرناک ہتھیار سے گھر پر حملہ؛ خطرناک ہتھیار سے لیس ہوتے ہوئے اغوا کی سنگین واردات کی کوشش اور ایک امن عامہ کی افسر کے خلاف شدید جنسی حملہ۔ ہولٹ کے مطابق بہت خوش قسمت ہوں کیونکہ زندہ حالت میں یہاں سے نکلنے کا خیال بھی سوچنا چھوڑ دیا تھا۔
ورڈل ان لوگوں کے لئے ڈیزائن کی گئی الفاظ کی گیم ہے جو سوشل میڈیا سے گریز کرنا چاہتے ہیں، گیم کھلاڑیوں کو چیلنج کرتی ہے کہ
وہ چھ کوششوں میں پانچ حرفی لفظ کا اندازہ لگائیں۔ نیویارک ٹائمز نے گزشتہ ماہ ورڈل کو خریدا تھا۔