جاپان کے وزیر اعظم کیشیدا فومیو نے ایران کے صدر ابراہیم رئیسی سے ٹیلی فونک رابطہ کیا۔ دونوں رہنماؤں کے درمیان باہمی دلچسپی کے امور، دو طرفہ تعاون کے فروغ پر تبادلہ خیال کیا گیا۔
ایرانی صدر نے دونوں ممالک کی صلاحیتوں کے پیش نظردو طرفہ تعلقات کو مزید وسعت دینے کا مشورہ دیا، انہوں نے ویانا مذاکرات میں امریکہ کی جانب سے ٹرمپ کی ناکام پالیسیوں کے نقش قدم پر چلنے سے روکنا ہے۔ ایران جوہری معاہدے سے قطع نظر باہمی مفادات کی سمت میں جاپان سمیت دیگر ممالک کے ساتھ اپنے تعلقات اور تعاون کی سطح کو بڑھانے کیلئے تیار ہے۔
صدر ابراہیم رئیسی نے پائیدار امن و استحکام کی ضرورت پر زور دیتے ہوئے کہا کہ تہران اور ٹوکیو مشترکہ تعاون کو مضبوط بنا کر خطے اور دنیا میں امن و استحکام پیدا کرنے اور اسے وسعت دینے میں موثر کردار ادا کر سکتے ہیں۔
ایرانی صدر نے غیر ملکیوں کی مداخلت کو خطے میں عدم تحفظ کی بنیادی وجہ قرار دیا اور یمنی بحران کو یمن انٹرڈائیلاگ کے ذریعے حل کرنے کی ضرورت پر زور دیا ۔
جاپانی وزیر اعظم نے اسلامی انقلاب کی 43 ویں سالگرہ پر مبارکباد دی۔ اور باہمی تعلقات کے فروغ اور مشترکہ تعاون کی صلاحیتوں کو بروئے کار لانے کی خواہش کا اظہار کیا۔