چوبیس برسوں کے بعد پاکستان کا دورہ کرنے والی آسٹریلیا کی فل اسٹرنتھ 18 رکنی ٹیسٹ کرکٹ ٹیم کا اعلان کردیا گیا ہے۔

ٹیم کی قیادت پیٹ کمنز کریں گے۔

اسٹیو اسمتھ نائب کپتان ہوں گے۔ آشٹن آگر، مارکس ہیرس ، اسکاٹ بولینڈ، ایلکس کرے، کیمرون گرین، اسکواڈ کا حصہ ہیں ،جوش ہیزل ووڈ، تیروس ہیڈ، جوش انگلس، عثمان خواجہ، نیتھن لین ، مچل اسٹارک، مچل مارش، اسٹیوسمتھ،ڈیوڈوارنر بھی ٹیم میں شامل ہیں۔

پاکستان کے دورے کے دوران آسٹریلیا کی ٹیم 3 ٹیسٹ، 3 ایک روزہ اور ایک ٹی 20 میچ کھیلے گی، آسٹریلیا اور پاکستان کے درمیان پہلا ٹیسٹ 4 سے 8 مارچ کو راولپنڈی، 12 سے 18 مارچ کو کراچی اور 21 سے 25 مارچ کو لاہور میں کھیلا جائے گا۔

تینوں ایک روزہ میچ 29 مارچ، 31 مارچ اور 2 اپریل کو راولپنڈی سٹیڈیم میں کھیلے جائیں گے جبکہ واحد ٹی 20 میچ 5 اپریل کو راولپنڈی سٹیڈیم میں کھیلا جائے گا۔ 

وائٹ بال کرکٹ سیریز میں شامل3 ون ڈے اور ایک ٹی ٹوئنٹی میچ کے لیے ٹیم کا اعلان بعد میں کیا جائے گا۔