اسلام آباد کے علاقے بہارہ کہو کے قریب مری روڈ پر تیز رفتار گاڑی پٹرول پمپ کے بورڈ سے ٹکرا گئی، افسوسناک حادثے میں 4افراد زندگی کی بازی ہار گئے۔
ریسکیو ذرائع کےمطابق حادثے میں جاں بحق ہونے والوں میں حمزہ ممتاز، فرحان عباسی جبکہ 2 نامعلوم افراد شامل ہیں ۔ سہراب اور سبحان شدید زخمی ہوئے۔
امدادی ٹیموں نےجاں بحق اور زخمیوں کو اسلام آباد کے پمز اسپتال میں منتقل کر دیا ہے۔
پولیس کےمطابق حادثے کے باعث گاڑی مکمل طور پر تباہ ہو گئی ہے۔