فیڈرل ایوی ایشن ایڈمنسٹریشن نے بوئنگ 777 سمیت 62 فیصد امریکی تجارتی ہوائی جہازوں کو ہوائی اڈوں پر لینڈنگ کے لیے کلیئر کر دیا گیا ہے جہاں AT&T اور Verizon اس ہفتے C-band سپیکٹرم پرفائیو جی نصب کر رہے ہیں۔

بوئنگ کی جانب سے 777 کو اُن ہوائی اڈوں پر جہاں کیریئرز سی بینڈ پر فائیو جی نصب کر رہے ہیں نہ اڑانے کے اعلان کے بعد، کئی بین الاقوامی ایئر لائنز نے پہلے امریکہ کے لیے کچھ پروازیں منسوخ کر دی تھیں۔ تاہم 777 طیارے یا کم از کم وہ جن کے پاس سی بینڈ ٹرانسمیشن کو فلٹر کرنے کے قابل الٹی میٹر ہیں ایف اے اے کی کلیئر ہوائی جہاز کی نئی فہرست میں شامل تھے۔ ایف اے اے آپریٹرز کو الٹی میٹرز کے ساتھ تعمیل کے متبادل ذرائع (AMOCs) دے رہا ہے جو استعمال میں محفوظ ہیں۔

” فیڈرل ایوی ایشن ایڈمنسٹریشن کے بیان کے مطابق "پانچ کلیئرڈ الٹی میٹرز میں سے ایک کے ساتھ ہوائی جہاز کے ماڈلز میں کچھ بوئنگ 717, 737, 747, 757, 767, 777, MD-10/-11 اور Airbus A300, A310, A319, A320, A330, A340, A350, A338  ماڈل شامل ہیں”۔ ایف اے اے نے کہا کہ یہ ہوائی جہاز اب "ایئرپورٹس پر کم مرئی لینڈنگ کرنے کے مجاز ہیں جہاں وائرلیس کمپنیوں نے فائیو جی  C-band نصب کیا ہے”۔ لفظ "کچھ” اس بات کی نشاندہی کرتا ہے کہ مذکورہ ماڈل نمبروں کے ساتھ ہر جہاز میں منظور شدہ الٹی میٹر نہیں ہوتا ہے۔

اتوار کو ایف اے اے نے کہا تھا کہ اس نے "متعدد ہوائی اڈوں پر کم مرئی لینڈنگ کرنے کے لیے اندازاً 45 فیصد امریکی تجارتی بیڑے کو صاف کر دیا ہے جہاں 19 جنوری کو فائیو جی سی بینڈ نصب کیا جائے گا۔ ” پہلے پہل بوئنگ 737، 747، 757، 767، اور MD-10/-11 ماڈلز کے ساتھ ساتھ Airbus A310، A319، A320، A321، A330، اور A350 ماڈل کو منظوری دی گئی تھی۔

منسوخ پروازیں

امریکی میڈیا کی رپورٹوں کے مطابق جن ایئر لائنز نے امریکہ کے لیے کچھ پروازیں منسوخ کیں ان میں ایمریٹس، آل نیپون ایئرویز، ایئر انڈیا اور برٹش ایئرویز شامل ہیں۔ کچھ ائیرلائنز نے پروازوں کے لئے بوئنگ 777 کی جگہ مختلف طیاروں کا استعمال کیا

لیکن ایئر فرانس کا کہنا ہے کہ وہ امریکی ہوائی اڈوں پر اپنے 777 طیاروں کی پروازیں جاری رکھے گی۔ کمپنی نے یہ وضاحت نہیں کی کہ اس نے اپنے طیاروں کو کیوں تبدیل نہیں کیا جیسا کہ بہت سے دوسرے کیریئرز نے کیا ہے۔

ایک بڑی امریکی ایئر لائنز نے امریکی حکومت کو ایک خط میں ہوائی سفر میں "تباہ کن رکاوٹ” کی وارننگ جاری کرتے ہوئے کہا کہ ہوائی اڈے کے رن وے کے دو میل کے اندر سی بینڈ کی تنصیب پر پابندی عائد کی جائے۔ AT&T اور Verizon نے بعد میں ہوائی اڈوں کے ارد گرد اضافی حدود پر اتفاق کیا۔

بوئنگ کی وارننگ

بوئنگ نے وارننگ دی ہے کہ AT&T  اور Verizon نامی امریکی کمپنیاں تین اعشاریہ سات اور تین اعشاریہ نو آٹھ گیگا ہرٹز کے درمیان C-band کی فریکوئنسیوں پر فائیو جی نصب کر رہی ہیں۔ ہوائی کیریئرز نے 3.7 GHz اور 3.98 GHz کے درمیان سپیکٹرم استعمال کرنے کے لیے لائسنسوں پر مشترکہ 69 ارب ڈالر خرچ کیے، اور وہ مستقبل میں ان فریکوئنسیوں کو استعمال کرنے کا ارادہ رکھتے ہیں۔

ہوائی جہاز کی اونچائی کا تعین کرنے کے لیے استعمال ہونے والے ریڈیو الٹی میٹرز 4.2 GHz سے 4.4 GHz تک سپیکٹرم پر انحصار کرتے ہیں۔ جبکہ امریکی کیریئرز نے نشاندہی کی کہ سی بینڈ پرفائیو جی تقریباً 40 ممالک میں بغیر کسی پریشانی کے نصب کیا گیا ہے،فیڈرل ایوی ایشن اور ایئر لائنز کا کہنا ہے کہ کچھ الٹی میٹرز فائیو جی ٹرانسمیشن کو فلٹر کرنے کے قابل نہیں ہو سکتے ہیں۔

بوئنگ نے پیر کی رات 777 اور 747-8 چلانے والے کیریئرز کو ایک ملٹی آپریٹر پیغام بھیجا اور آپریٹرز کو مشورہ دیا کہ 777 ہوائی جہاز امریکی رن ویز پر نہ چلائیں۔ جب تک ایف اے اے کی ہدایات کی تعمیل کی صورت میں کوئی متبادل نہیں آتا، بوئنگ نے اس بارے میں کوئی تبصرہ کرنے سے انکار کردیا ہے۔

نئی فائیو جی سروس کی تنصیب میں دو ہفتے کی تاخیر کے دوران ماہرین نے طے کیا کہ ہوائی جہاز کے ریڈیو الٹی میٹر کے ساتھ فائیو جیکی مداخلت انجن اور بریکنگ سسٹم کو لینڈنگ موڈ میں منتقل ہونے سے روک سکتی ہے، جو ہوائی جہاز کو رن وے پر رکنے کے عمل میں رخنہ ڈال سکتی ہے۔

14 جنوری کو جاری ہونے والے ایف اے اے کے بیان میں یہ بھی کہا گیا تھا کہ ادارہ بوئنگ 787 کے آپریٹرز کو فائیو جی کی تنصیب والے علاقوں میں موجود ہوائی اڈوں پر گیلے یا برفیلے رن وے پر اترتے وقت اضافی احتیاطی تدابیر اختیار کرنے کا بھی کہے گا ۔ لیکن 787 طیارے تازہ ترین فہرست میں شامل ہی نہیں ہیں۔

AT&T اور Verizon نے پہلے چھ ماہ کے لیے 50 امریکی ہوائی اڈوں کے ارد گرد "C-band ریڈیو اخراج زون” نافذ کرنے پر اتفاق کیا تھا اور 5 دسمبر سے 19 جنوری تک وسیع پیمانے پر رول آؤٹ میں تاخیر کی تھی۔ ویریزون نے کل کہا کہ وہ 19 جنوری سے سی بینڈ کی تنصیب پر اس استثنا کے ساتھ آگے بڑھے گا کہ اس نے رضاکارانہ طور پر اپنے فائیو جی نیٹ ورک کو ہوائی اڈوں کے ارد گرد محدود کرنے کا فیصلہ کیا۔

امریکی صدر جو بائیڈن نے ایک بیان میں کہا ویریزون اور اے ٹی اینڈ ٹی اہم ہوائی اڈوں کے ارد گرد فائیو جی کی تنصیب میں تاخیر کرنے اور محدود مقامات پر محفوظ تنصیب پر محکمہ ٹرانسپورٹ کے ساتھ کام جاری رکھنے پر متفق ہیں۔ یہ معاہدہ ممکنہ طور پر تباہ کن رکاوٹوں سے بچ جائے گا۔ مسافروں کے سفر، کارگو آپریشنز، اور ہماری اقتصادی بحالی کے لیے، جبکہ 90 فیصد سے زیادہ وائرلیس ٹاور کی تنصیب کو شیڈول کے مطابق آپریٹ کرنے کی اجازت دیتا ہے۔”

ایف سی سی کی چیئر وومن جیسیکا روزن ورسل نے معاہدے کو "خوش آئند خبر” قرار دیتے ہوئے کہا ہم جانتے ہیں کہ تنصیب امریکہ میں ہوا بازی کی ٹیکنالوجیز کے ساتھ محفوظ طریقے سے رہ سکتی ہے، جیسا کہ یہ دنیا کے دیگر ممالک میں ہوتا ہے۔ روزن ورسل نے ایف اے اے پر زور دیا کہ وہ الٹی میٹر کی کارکردگی کا جائزہ "دیکھ بھال اور رفتار دونوں کے ساتھ” مکمل طور پر کرے۔

گارڈ بینڈ

فیڈرل کمیونیکیشن کمیشن نے الٹی میٹرز کے ساتھ مداخلت کے امکانات کا تجزیہ کرنے کے بعد فروری 2020 میں سی بینڈ پر فائیو جی کی تنصیب کی اجازت دی۔ ایف سی سی نے 220 میگاہرٹز گارڈ بینڈ بنانے کے لیے سیلولر استعمال کو 3.98 گیگا ہرٹز اور اس سے نیچے تک محدود کر دیا ہے جو الٹی میٹرز کی حفاظت کے لیے غیر استعمال شدہ رہے گا، یہ "بوئنگ اور اے ایس آر سی کے ابتدائی تبصروں میں زیر بحث کم از کم گارڈ بینڈ کی ضرورت سے دوگنا ہے۔ اصل گارڈ بینڈ اس سال بنیادی طور پر 400 میگاہرٹز ہے کیونکہ اے ٹی اینڈ ٹی اور ویریزون ابھی تک 3.8 GHz سے اوپر تعینات نہیں کر رہے ہیں۔

وائرلیس انڈسٹری کے تجارتی گروپ سی ٹی آئی اے نے نومبر میں ایف سی سی کو بتایا تھا کہ سی بینڈ سپیکٹرم استعمال کرنے والے تقریباً 40 ممالک "پہلے ہی قواعد اپنا چکے ہیں اور سی بینڈ میں سیکڑوں ہزاروں فائیو جی بیس اسٹیشن اسی طرح کی فریکوئنسی اور اسی طرح کی پاور لیول پر تنصیب کر چکے ہیں۔ ان میں سے کسی بھی ملک نے ان تجارتی تعیناتیوں سے ہوا بازی کے آلات میں کسی نقصان دہ مداخلت کی اطلاع نہیں دی ہے۔

سی ٹی آئی اے نے نوٹ کیا کہ یورپی کیریئرز نے فائیو جی کو 3.7 GHz اور 3.8 GHz کے درمیان نصب کیا۔ گروپ نے یہ بھی کہا کہ جاپان میں، "دسیوں ہزار 5G بیس اسٹیشنوں کو 4100 میگاہرٹز تک نصب کیا گیا ہے- یعنی فائیو جی آپریشنز اور جہاں ریڈیو الٹی میٹرز کام کرتے ہیں، کے درمیان صرف 100 میگا ہرٹز گارڈ بینڈ ہے۔

پس منظر

امریکہ کے بڑے مسافروں اور کارگو کیریئرز کے چیف ایگزیکٹوز نے پیر کو 36 گھنٹے سے بھی کم وقت میں ایک آنے والے "تباہ کن” ہوابازی کے بحران سے خبردار کیا تھا جب اے ٹی اینڈ ٹی اور ویریزون نئی فائیو جی سروس نصب کرنے کی تیاری کر رہے تھے۔ ایئر لائنز نے وارننگ جاری کرتے ہوئے کہا تھا کہ نئی C-Band 5G سروس ممکنہ طور پر وائیڈ باڈی طیاروں کی ایک بڑی تعداد کو ناقابل استعمال بنا سکتی ہے اور "ممکنہ طور پر دسیوں ہزار امریکیوں کو بیرون ملک پھنسا سکتی ہے۔ یہ بیان امریکن ایئرلائنز، ڈیلٹا ایئر لائنز، یونائیٹڈ ایئرلائنز، ساؤتھ ویسٹ ایئرلائنز اور دیگر کے چیف ایگزیکٹوز نے دیا تھا جس پرایف اے اے نے متنبہ کیا تھا کہ ممکنہ مداخلت سے ہوائی جہاز کے حساس آلات جیسے کہ الٹی میٹرز اور کم نظر آنے والے پرزوں پر اثر پڑ سکتا ہے۔