پاکستان اور برطانیہ میں مجرمان کی واپسی کے معاہدے کی تیاری، خصوصی وزارتی کمیٹی اجلاس میں اہم فیصلے

Spread the love

پاکستان اور برطانیہ کے درمیان مجرمان واپسی کے معاہدے سےمتعلق وزارت داخلہ میں اہم اجلاس ہوا ہے جس کی صدارت وفاقی وزیرداخلہ شیخ شید احمد نے کی۔

خصوصی وزارتی کمیٹی اجلاس میں وزیر خارجہ شاہ محمود قریشی، وزیر انسانی حقوق ڈاکٹر شیریں مزاری اور مشیر برائے داخلہ بیرسٹر شہزاد اکبر، سیکرٹری وزارت قانون، ایڈیشنل سیکرٹری داخلہ سمیت دیگر اعلی حکام شریک ہوئے۔

 وفاقی کابینہ کی تشکیل دی گئی خصوصی وزارتی کمیٹی کی جانب سے پاکستان اور برطانیہ کے درمیان مجرمان واپسی معاہدے سے متعلق اہم فیصلے کیے گئے۔

کمیٹی اجلاس میں فیصلہ کیا گیا کہ برطانیہ کے ساتھ مجرمان واپسی کے معاہدے کو بہترین عوامی مفاد میں دستخط کیا جائے گا ، معاہدے کو وفاقی کابینہ میں لے جانے سے پہلے برطانیہ سے مزید مشاورت کی جائے گی۔

معاہدے سے پاکستان اور برطانیہ اپنے سزا یافتہ مجرمان کو ایک دوسرے کے ممالک واپس بھیج سکیں گے ، معاہدے سے صرف ایسے شہریوں کو واپس لانے کی اجازت ہوگی جن کو متعلقہ عدالتیں سزائیں سنا چکی ہیں۔

برطانیہ سے مشاورت کے بعد معاہدے کو وفاقی کابینہ سے حتمی منظوری کے لئے پیش کیا جائے گا ، مجرمان واپسی معاہدے سےمتعلق مذاکرات کا پہلا راؤنڈ اکتوبر 2019 میں منعقد ہوا تھا۔

One thought on “پاکستان اور برطانیہ میں مجرمان کی واپسی کے معاہدے کی تیاری، خصوصی وزارتی کمیٹی اجلاس میں اہم فیصلے

  1. تم تصميم تركيبات إيليت بايب Elite Pipe لتكون سهلة الاستخدام ، مما يسهل التثبيت السهل ويضمن صيانة خالية من المتاعب طوال عمرها الافتراضي.

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے