محکمہ موسمیات کے مطابق بارشوں کا سلسلہ ملک کے مغربی اور بالائی علاقوں میں 18 جنوری سے داخل ہو گا جو کہ 20 جمعرات تک بالائی علاقوں میں موجود رہے گا۔

موسم کا احوال بتانے والوں نے پیش کی ہے کہ منگل اور بدھ کے دوران کوئٹہ، زیارت، پشین، ژوب، قلعہ عبداللہ، کوہلواوربارکھان میں بارش اور برف باری ہے ۔

منگل سے جمعرات کی صبح تک کشمیر ، گلگت بلتستان ، اسلام آباد ، چترال ، دیر ، کالام ، سوات ، مالاکنڈ ، کوہستان ، شانگلہ ، بونیر ، مانسہرہ ، ایبٹ آباد ، ہری پور ، صوابی ، مردان ، نوشہرہ ، پشاور ، چارسدہ ، باجوڑ ، کرم ، وزیرستان ، کوہاٹ ، بنوں ، ڈی آئی خان میں بادل برسیں گے۔

راولپنڈی ، اٹک ، چکوال ، جہلم ، منڈی بہاؤالدین ، سرگودھا ، خوشاب ، میانوالی ، حافظ آباد ، گوجرانوالہ ، گجرات ، سیالکوٹ ، نارووال ، لاہور ، قصور میں ہلکی سے درمیانی بارش اور پہاڑوں پر برفباری کا امکان ہے۔

محکمہ موسمیات کا کہنا ہے کہ منگل سے جمعرات تک مری ،  گلیات ، نتھیا گلی ، کاغان ، ناران ، چترال ، دیر ، سوات ، کوہستان ، استور ، ہنزہ ، گلگت ، وادی نیلم ، باغ اور حویلی کے اضلاع میں ہلکی سے درمیانی برف باری کا امکان ہے۔

منگل اور بدھ کو دیر ، مالاکنڈ ، ہزارہ ، سوات ، کوہستان ، گلگت بلتستان اور کشمیر میں لینڈ سلائیڈنگ کا خطرہ ہے ۔

محکمہ موسمیات کی پیش گوئی کے بعد ڈیزاسسٹر مینجمنٹ اتھارٹی پنجاب نے ایڈوائزری جاری کر دی،  18 سے 20 جنوری تک مری میں برف باری،راولپنڈی میں بارش کا امکان ہے۔

پی ڈی ایم اے کے مطابق بارش اور برفباری کے دوران سڑکوں کے بند ہونے دھند پڑنے کا امکان ہے، اس لئے تمام متعلقہ محکمے مکمل طور پر الرٹ رہیں اور تمام ضروری انتظامات مکمل رکھیں۔