خیبرپختونخوا اسمبلی کے رکن نثارمہمند کی جانب سے ڈسٹرکٹ الیکشن کمشنر آفس پر دھاوے کے معاملہ سرگرم ہے ، ڈسٹرکٹ الیکشن کمشنر ضلع مہمند ایجنسی نے آئی جی خیبرپختونخوا خط لکھ دیا جس میں نثار مہمند کے خلاف ایف آئی آر درج کرنے کی ہدایت کی گئی ہے۔
خط میں ڈسٹرکٹ الیکشن کمشنر نے لکھا کہ ممبر صوبائی اسمبلی خیبرپختونخوا نثار مہمند نےڈسٹرکٹ الیکشن کمشنر دفتر میں سٹاف کو ہراساں کیا،انہیں سنگین نتائج کی دھمکیاں دیں، انہوں نے اپنے ورکرز کو تشدد کے لیے اشتعال دلایا، ممبر صوبائی اسمبلی نثار مہمند نےڈسٹرکٹ الیکشن کمشنر دفتر پر ایک ہی دن میں دو مرتبہ دھاوا بولا۔
ڈسٹرکٹ الیکشن کمشنر نے آئی جی خیبرپختونخوا کو خط میں مزید لکھا کہ سرکاری امور میں مداخلت، سٹاف کو ہراساں اور دفتر کی پراپرٹی کو نقصان پہنچانے پر ایف آئی آر درج کی جائے۔