بلوچستان میں دہشت گردوں کا حملہ،سیکیورٹی فورسزکے2اہلکارشہید

Spread the love

بلوچستان کے ضلع کیچ میں دہشت گردوں نے سیکیورٹی فورسز کی چیک پوسٹ پر حملہ کر دیا ، فائرنگ کے تبادلے میں 2 جوان شہید ہو گئے۔
آئی ایس پی آر کے مطابق لانس نائیک منظر عباس شہید کا تعلق خوشاب جبکہ سپاہی عبدالفاتح شہید کا تعلق خضدار سے تھا، دہشت گردوں کی تلاش کے لیے سیکیورٹی فورسز نے علاقے میں فالواپ آپریشن شروع کیاگیا
آئی ایس پی آر کے مطابق سیکورٹی فورسز دشمن عناصر کی کارروائیوں کو ناکام بنانے کیلئے پرعزم ہیں، بلوچستان میں امن و استحکام اور ترقی کو متاثر کرنا دشمن عناصر کا مقصد ہے۔
دوسری جانب وفاقی وزیرداخلہ وزیر داخلہ شیخ رشیداحمد کی دہشت گردوں کے چیک پوسٹ پرحملے کی شدید مذمت کی ہےاور شہدا کے لواحقین سے ہمدری کا اظہار کیا ہے، شیخ رشید نے کہا کہ سکیورٹی فورسز دہشت گرد عناصر کے مکمل خاتمے کے لئے تمام وسائل بروئے کارلارہی ہیں۔دشمن کی بلوچستان کی ترقی کوسبوتاژ کرنے کی ہرکوشش ناکام ہوگی۔

جواب دیں

آپ کا ای میل ایڈریس شائع نہیں کیا جائے گا۔